ಯಕ್ಷಗಾನದಲ್ಲೂ ಇವನರ್ವ, ಇವನರ್ವ , ಇವನ್ಮ್ವಇವನ್ಮ್ವ…

ಯಕ್ಷಗಾನದಲ್ಲೂ ಇವನರ್ವ, ಇವನರ್ವ , ಇವನ್ಮ್ವಇವನ್ಮ್ವ…

ಮಂಗಳೂರು, ಮಾರ್ಚ್ 31: ರಾಜ್ಯ ಪ್ರವಾಸದಲ್ಲಿದ್ದ ಎ.ಐ.ಸಿ.ಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅಥಣಿಯಲ್ಲಿ ಕಾಂಗ್ರೇಸ್ ಸಮಾವೇಶವನ್ನು ಉದ್ಧೇಶಿಸಿ ಮಾತನಾಡಿದ್ದರು.

ಈ ಸಮಾವೇಶದಲ್ಲಿ ರಾಹುಲ್ ಮಾತನಾಡಿದ ವಿಚಾರಗಳಿಗಿಂತ ಅತ್ಯಂತ ಹೆಚ್ಚು ಪ್ರಚಾರವಾಗಿದ್ದು, ಅವರು ಉಚ್ಛರಿಸಿದ ಎರಡು ಸಾಲು ಬಸವಣ್ಣನ ವಚನಗಳು.

ಲಿಂಗಾಯುತ-ವೀರಶೈವ ಪ್ರತ್ಯೇಕ ಧರ್ಮವನ್ನಾಗಿ ಘೋಷಿಸಿದ ಬಳಿಕ ಕಾಂಗ್ರೇಸ್ ಪಕ್ಷ ಲಿಂಗಾಯತ ಧರ್ಮದ ಟ್ರಂಪ್ ಕಾರ್ಡ್ ನಲ್ಲೇ ಚುನಾವಣೆ ಎದುರಿಸಲು ಪ್ರಯತ್ನಿಸುತ್ತಿದೆ.

ಈ ಕಾರಣಕ್ಕಾಗಿಯೇ ಕಾಂಗ್ರೇಸ್ ನಾಯಕರ ಬಾಯಲೆಲ್ಲಾ ಇತ್ತೀಚಿನ ದಿನಗಳಲ್ಲಿ ಬಸವಣ್ಣನವರ ಬಗ್ಗೆ ಹಾಗೂ ಅವರ ವಚನಗಳ ಬಗ್ಗೆ ನುಡಿಮುತ್ತುಗಳು ಹರಿದಾಡುತ್ತಿದೆ.

ರಾಹುಲ್ ಗಾಂಧಿ ಕೂಡಾ ಇಂಥಹುದೇ ಒಂದು ಪ್ರಯತ್ನವನ್ನು ಮಾಡಿ ಇದೀಗ ನಗೆಪಾಟಲಿಗೆ ತುತ್ತಾಗಿದ್ದಾರೆ.

ಇವನಾರವ, ಇವನಾರವ, ಇವನಮ್ಮವ , ಇವನಮ್ಮವ ಎನ್ನುವ ವಚನವನ್ನು ಇವನರ್ವ, ಇವನರ್ವ, ಇವನ್ಮ್ವ , ಇವನ್ಮ್ವ ಎಂದು ರಾಹುಲ್ ಉಚ್ಚರಿಸುವ ಮೂಲಕ ಮುಜುಗರಕ್ಕೀಡಾಗಿದ್ದರು.

ಇದೇ ರೀತಿ ಇನ್ನೊಂದು ಸಭೆಯಲ್ಲಿ ನುಡಿದಂತೆ ನಡೆ ಎನ್ನುವ ಸಾಲನ್ನು ನುಡಿಡಂಟೆ ನಡೆ ಎಂದು ತಪ್ಪಾಗಿ ಉಚ್ಛರಿಸಿದ್ದರು.

ಈ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದರೆ, ಇದೀಗ ಈ ಮಾತು ಯಕ್ಷಗಾನದ ಹಾಸ್ಯದಲ್ಲೂ ಕೇಳಿ ಬರಲಾರಂಭಿಸಿದೆ.

ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ಯಕ್ಷಗಾನ ಮಂಡಳಿಯ ಹಾಸ್ಯ ಕಲಾವಿದರು ರಾಹುಲ್ ಗಾಂಧಿಯ ಈ ಮಾತನ್ನೇ ಯಕ್ಷಗಾನದಲ್ಲೂ ಅನುಕರಣೆ ಮಾಡುವ ಮೂಲಕ ಭಾರೀ ಚಪ್ಪಾಳೆ ಗಿಟ್ಟಿಸಿಕೊಳ್ಳುತ್ತಿದ್ದಾರೆ.

ಯಕ್ಷಗಾನದಲ್ಲಿ ಹಾಸ್ಯಕ್ಕೆ ಹೆಚ್ಚಿನ ಪ್ರಾಶಸ್ತ್ಯವಿದ್ದು, ರಾಹುಲ್ ಗಾಂಧಿಯ ವಚನದ ಮಾತು ಇದೀಗ ಫುಲ್ ಹಿಟ್ ಆಗುತ್ತಿದೆ.

ವಿಡಿಯೋ…